ترجمہ: سورۃ التین (انجیر) سُورَة التين
بِسْمِ اللَّهِ الرَّحْمَٰنِ الرَّحِيمِ
الله کے نام سے جو بڑا مہربان، نہایت رحم کرنے والا ہے۔
وَالتِّينِ وَالزَّيْتُونِ ١
انجیر کی قسم اور زیتون کی (۱)
وَطُورِ سِينِينَ ٢
اور طور سینین کی (۲)
وَهَٰذَا الْبَلَدِ الْأَمِينِ ٣
اور اس امن والے شہر کی (۳)
لَقَدْ خَلَقْنَا الْإِنْسَانَ فِي أَحْسَنِ تَقْوِيمٍ ٤
کہ ہم نے انسان کو بہت اچھی صورت میں پیدا کیا ہے (۴)
ثُمَّ رَدَدْنَاهُ أَسْفَلَ سَافِلِينَ ٥
پھر (رفتہ رفتہ) اس (کی حالت) کو (بدل کر) پست سے پست کر دیا (۵)
إِلَّا الَّذِينَ آمَنُوا وَعَمِلُوا الصَّالِحَاتِ فَلَهُمْ أَجْرٌ غَيْرُ مَمْنُونٍ ٦
مگر جو لوگ ایمان لائے اور نیک عمل کرتے رہے انکے لیے بےانتہا اجر ہے (۶)
فَمَا يُكَذِّبُكَ بَعْدُ بِالدِّينِ ٧
تو (اے آدم زاد) پھر تو جزا کے دن کو کیوں جھٹلاتا ہے؟ (۷)
أَلَيْسَ اللَّهُ بِأَحْكَمِ الْحَاكِمِينَ ٨
کیا خدا سب سے بڑا حاکم نہیں ہے؟ (۸)
