ترجمہ: سورۃ الهمزہ (طعنہ دینے والا) سُورَة الهمزة
بِسْمِ اللَّهِ الرَّحْمَٰنِ الرَّحِيمِ
الله کے نام سے جو بڑا مہربان، نہایت رحم کرنے والا ہے۔
وَيْلٌ لِكُلِّ هُمَزَةٍ لُمَزَةٍ ١
ہر طعن آمیز اشارتیں کرنے والے چغل خور کی خرابی ہے (۱)
الَّذِي جَمَعَ مَالًا وَعَدَّدَهُ ٢
جو مال جمع کرتا اور اس کو گن گن کر رکھتا ہے (۲)
يَحْسَبُ أَنَّ مَالَهُ أَخْلَدَهُ ٣
(اور) خیال کرتا ہے کہ اس کا مال اس کی ہمیشہ کی زندگی کا موجب ہو گا (۳)
كَلَّا ۖ لَيُنْبَذَنَّ فِي الْحُطَمَةِ ٤
ہر گز نہیں وہ ضرور حطمہ میں ڈالا جائے گا (۴)
وَمَا أَدْرَاكَ مَا الْحُطَمَةُ ٥
اور تم کیا سمجھے حطمہ کیا ہے؟ (۵)
نَارُ اللَّهِ الْمُوقَدَةُ ٦
وہ خدا کی بھڑکائی ہوئی آگ ہے (۶)
الَّتِي تَطَّلِعُ عَلَى الْأَفْئِدَةِ ٧
جو دلوں پر جا لپٹے گی (۷)
إِنَّهَا عَلَيْهِمْ مُؤْصَدَةٌ ٨
(اور) وہ اس میں بند کر دیئے جائیں گے (۸)
فِي عَمَدٍ مُمَدَّدَةٍ ٩
(یعنی آگ کے) لمبے لمبے ستونوں میں (۹)